Навіны

У ААТ "Белэлектрамантажналадка" з 21 па 27 сакавіка 2022 года праводзіцца "Тыдзень нулявога траўматызму".

Мэта яго правядзення: забеспячэнне бяспекі і здароўя работнікаў на працоўных месцах, прадухілення выпадкаў вытворчага траўматызму ў арганізацыях (ніводнага траўміраванага ў гэты перыяд) шляхам аператыўнага выяўлення парушэнняў норм аховы працы і прымянення мер па іх устараненню.

Канцэпцыя «Нулявы траўматызм» (Vision Zero) распрацавана Міжнароднай асацыяцыяй сацыяльнага забеспячэння (МАСА) і прадстаўлена ў г. Сінгапуры 4 верасня 2017 г. на XXI Сусветным кангрэсе па бяспецы і гігіене працы.

Гэта новы падыход да арганізацыі прафілактыкі, які аб'ядноўвае тры напрамкі - бяспеку, гігіену працы і дабрабыт работнікаў на ўсіх узроўнях вытворчасці.

У аснове - усвядомленая дзейнасць усіх удзельнікаў вытворчага працэсу, пачынаючы ад кіраўніка і заканчваючы работнікамі, з мэтай прадухіліць любыя няшчасныя выпадкі на вытворчасці.

Правядзенне "Тыдня нулявога траўматызму" ў ААТ "Белэлектрамантажналадка" з'яўляецца дадатковым мерапрыемствам да штодзённай работы па ахове працы і адным з эфектыўных спосабаў кантролю за выкананнем заканадаўства аб ахове працы.

Прынцыпамі правядзення "Тыдня нулявога траўматызму" з'яўляюцца:

прыярытэт жыцця работніка і яго здароўе;
адказнасць кіраўнікоў і кожнага работніка за бяспеку і выкананне патрабаванняў па ахове працы;
уцягванне работнікаў у забеспячэнне бяспечных умоў і аховы працы;
ацэнка і кіраванне рызыкамі на вытворчасці;
навучанне і інфармаванне работнікаў па пытаннях аховы працы.