Навіны

     21 лютага 2018 года адбылося пашыранае пасяджэнне калегіі Міністэрства энергетыкі "Аб выніках работы арганізацый, якія ўваходзяць у сістэму Міністэрства энергетыкі Рэспублікі Беларусь, за 2017 год і задачах на 2018 год". Мерапрыемства прайшло на базе дзяржаўнай арганізацыі "Беларуская АЭС". У рабоце калегіі прынялі ўдзел прадстаўнікі Нацыянальнага сходу Рэспублікі Беларусь, дзяржорганаў, ДВА "Белэнерга", ДВА "Белтопгаз", РУП "Беларуская АЭС" і іншыя зацікаўленыя.
    Удзельнікі мерапрыемства наведалі інфармацыйны і навучальна-трэніровачны цэнтры Беларускай АЭС, пляцоўку будаўніцтва і іншыя аб'екты станцыі, азнаёміліся з горадам энергетыкаў Астраўцом.

    У ходзе калегіі былі падведзены вынікі дзейнасці галіны за 2017 год па пытаннях выканання ключавых паказчыкаў эфектыўнасці і заданняў сацыяльна-эканамічнага развіцця, рэалізацыі мерапрыемстваў дзяржаўных праграм, галіновай праграмы электраэнергетыкі, ходу збудавання атамнай электрастанцыі, вызначаны прыярытэты далейшага развіцця галіны.

    Прыемнай падзеяй стала ўручэнне генеральнаму дырэктару ААТ "Белэлектрамантажналадка" С.М. Аляхновічу падзякі Міністэрства энергетыкі РБ "За шматгадовую плённую працу, высокі прафесіяналізм, значны асабісты ўклад у развіццё і ўдасканаленне Беларускай энергетычнай сістэмы, дасягненне высокіх вытворчых паказчыкаў".