Навіны

28-30 мая 2014 года ў Мінску на прадпрыемстве ААТ "Белэлектрамантажналадка" адбыўся семінар, прысвечаны вопыту і перспектывам прымянення ў Беларускай энергасістэме імпартазамяшчальных тэхналогій і абсталявання, распрацаваных у рамках Дзяржаўнай праграмы інавацыйнага развіцця Беларусі на 2011-2015 гады, а таксама дзяржаўнай навукова-тэхнічнай праграмы "Энергетыка - 2015".

На семінары выступілі начальнік упраўлення эксплуатацыі электратэхнічнага абсталявання ДВА "Белэнерга" Вадзім ПЕТКЕВІЧ, а таксама начальнік аддзела эксплуатацыі рэлейнай абароны і аўтаматыкі электраабсталявання і электрычных сетак ДВА "Белэнерга" Міхаіл ШЭВАЛДЗІН.

У ходзе іх выступленняў не раз было адзначана, што ААТ "Белэлектрамантажналадка" з'яўляецца асноўнай наладачнай арганізацыяй Беларускай энергасістэмы. Той факт, што за апошнія 10 гадоў ні адзін пуск і рэканструкцыя падстанцыі 330 кВ не праходзіў без удзелу ААТ "Белэлектрамантажналадка", ужо гаворыць аб немалых заслугах калектыву прадпрыемства. Не выклікае сумневаў і запатрабаванасць сілавога абсталявання і мікрапрацэсарных тэрміналаў серыі МР уласнай вытворчасці.

           ААТ "Белэлектрамантажналадка" фігуруе практычна ва ўсіх распрацаваных і зацверджаных ДВА "Белэнерга" праграмах, якія датычацца выпуску імпартазамяшчальнай прадукцыі. Напрыклад, у рамках ДНТП "Энергетыка - 2015" прадпрыемства распрацавала ячэйку "КСА-1-БЭМН" для размеркавальных сетак з вакуумным выключальнікам нагрузкі, якія сёння актыўна ўкараняюцца па ўсёй энергасістэме: у бліжэйшыя тры гады запланавана ўкараненне больш як 400 такіх ячэек. Першым у Беларусі наша прадпрыемства арганізавала выпуск вакуумных выключальнікаў 6-10 кВ ВВ-БЭМН па ліцэнзіі Siemens. Важны і той факт, што сёння паслугі і прадукцыя ААТ "Белэлектрамантажналадка" маюць усе сертыфікаты адпаведнасці рэгламентам Мытнага саюза.

        Удзельнікі семінара г. Мінск., вул. Пляханава 105А, адміністрацыйны будынак ААТ "Белэлектрамантажналадка"