Навіны

У Рэспубліцы Беларусь у перыяд з 20.02.2020 па 01.03.2020 пройдзе прафілактычная акцыя "Адзіны дзень бяспекі".

Галоўная мэта акцыі - развіццё ў грамадстве культуры бяспекі жыццядзейнасці для зніжэння гібелі людзей ад знешніх прычын, таму галоўнай задачай з'яўляецца правядзенне адукацыйна-выхаваўчай работы з падрастаючым пакаленнем, прапаганда бяспечных умоў пражывання насельніцтва.

У рамках адзінага дня бяспекі адбудуцца прафілактычныя мерапрыемствы па прадухіленні надзвычайных сітуацый, правапарушэнняў і злачынстваў, а таксама навучанне паводзінам ва ўмовах пажараў, аварый, аказанню першай медыцынскай дапамогі.

У перыяд правядзення акцыі ў ААТ "Белэлектрамантажналадка" запланавана:

– правядзенне практычных мерапрыемстваў па рэагаванні на надзвычайныя сітуацыі з адпрацоўкай дзеянняў у выпадку выяўлення пажару (з задзейнічаннем сістэм пажарнай сігналізацыі, абвесткі людзей аб пажары і кіравання эвакуацыяй);

– правядзенне выступленняў у працоўных калектывах, накіраваных на забеспячэнне жыццядзейнасці;

– праверка сіл грамадзянскай абароны з выкарыстаннем сродкаў індывідуальнай, калектыўнай абароны, у выпадку атрымання сігналаў аб надзвычайнай сітуацыі прыроднага ці тэхнагеннага характару;

– трансліраванне тэматычных выпускаў тэлепраграм, відэасюжэтаў, відэаролікаў, накіраваных на забеспячэнне бяспекі жыццядзейнасці і іншыя мерапрыемствы.