Навіны

«Чалавек справы 2016»: ва ўмовах новай рэальнасці

7 ліпеня ў Мінску адбылося ўзнагароджанне лаўрэатаў штогадовага конкурсу "Чалавек справы - 2016", які прайшоў ужо 20-ы раз. Са 130 першапачаткова адабраных кандыдатаў у фінальную стадыю конкурсу выйшлі 12. Генеральнаму дырэктару ААТ "Белэлектрамантажналадка" С.М. Аляхновічу прэмія "Чалавек справы" была ўручана ў намінацыі "За стабільную і эфектыўную працу на беларускім і замежным рынках".

 OAO "Белэлектрамантажналадка" - адно з вядучых інжынірынгавых прадпрыемстваў у Беларускай энергасістэме. Утворана ў 1964 годзе як Мінскі тэрытарыяльны наладачны ўчастак маскоўскага трэста "Электрацэнтрмантаж", з 1991 года ўвайшло ў склад ДВА "Белэнерга".

Малады спецыяліст Сяргей Аляхновіч уліўся ў калектыў прадпрыемства ў 1988 г. пасля заканчэння БНТУ. Пачаўшы з пасады інжынера па наладцы і выпрабаваннях, мэтанакіравана падвышаў узровень кваліфікацыі, працаваў вытворцам прац на аб'ектах. У 2000 г. стаў начальнікам упраўлення наладачных работ, з 2006 г. – дырэктарам, а з 2015-га – генеральным дырэктарам. Ён хутка ўспрыняў традыцыі, якія склаліся на прадпрыемстве, і з першых гадоў працы засвоіў галоўны прынцып, пакладзены ў аснову дзейнасці: не спыняцца ў развіцці. "Дысцыпліна, адказнасць, якасць - галоўнае ў нашай рабоце на любым аб'екце", - лічыць Сяргей Аляхновіч.

За больш як 50 гадоў актыўнай дзейнасці ААТ "Белэлектрамантажналадка" стала магутнай, сучаснай арганізацыяй, у якой працуюць спецыялісты высокага класа, здольныя вырашаць задачы любой складанасці.

З'яўляючыся шматпрофільным мантажна-наладачным прадпрыемствам з уласнай канструктарскай, вытворчай і выпрабавальнымі базамі, ААТ "Белэлектрамантажналадка" выконвае поўны комплекс работ па праектаванні, пастаўцы, мантажы, наладцы, рамонце, выпрабаванні і сэрвісным абслугоўванні энергетычнага абсталявання. Прадпрыемства дынамічна развіваецца, заслугоўваючы аўтарытэт і павагу з боку пастаянных партнёраў.

Спецыялісты прадпрыемства прымаюць удзел у рэалізацыі самых значных энергетычных праектаў у рэспубліцы, сярод якіх увод энергаблокаў Магілёўскай ЦЭЦ-2, Лукомскай ДРЭС, Мінскай ЦЭЦ-4, Наваполацкай ЦЭЦ, Светлагорскай ЦЭЦ і іншых электрастанцый, працуюць на буйнейшых падстанцыях па ўсёй рэспубліцы. З 2015 года ААТ "Белэлектрамантажналадка" ўдзельнічае ў будаўніцтве Беларускай АЭС, выконваючы будаўніча-мантажныя работы па электрычнай частцы аб'ектаў блока нумар 1 і блока нумар 2.

Дадатны імідж прадпрыемства атрымала і за мяжой, выконваючы работы на значных аб'ектах у Расіі, Украіне, Прыбалтыцы, Польшчы, Іраку, Іране, Алжыры, Балгарыі, Турцыі, Германіі і іншых краінах.

Экспарт 2015 года. Аб'ём экспарту паслуг за 2015 год склаў 15 159 тыс. долараў ЗША, што ў 8,7 раза вышэй у параўнанні з 2014 годам. Сярод найбольш значных і буйных праектаў - дагаворы будаўнічага падраду з партнёрамі:

ТАА Riko industrijski, gradbeni inzeniring in leasing d.o.o. (Рэспубліка Славенія) па аб'екце «Будаўніцтва ПС 110 кВ у г. Мінску. 1 чарга: ПС 110 кВ Старабарысаўская з кабельнай лініяй ПС 110 кВ Завод запасных частак - ПС 110/10 кВ Старабарысаўская»;

АТ Атамбудэкспарт (РФ) па аб'екту «Беларуская АЭС. Энергаблок №1,2. Асноўны перыяд будаўніцтва»;

ТАА Паўночнакітайская энергетычная праектна-інжынерная кампанія пры кітайскай электраэнергетычнай інжынерна-кансультацыйнай кампаніі па аб'екце «Будаўніцтва АЭС у РБ. Выдача магутнасці і сувязь з энергасістэмай (№500/2012)»;

Elektrobudowa SA (Рэспубліка Польшча) па аб'екце "Электрамантажныя работы ў частцы пракладкі і расключэння кабеля ў ОРУ 220 кВ Бычына і работы на іншых аб'ектах у рамках аб'екта Бычына";

Electrum Sp. z.o.o. (Рэспубліка Польшча) па аб'екце "Электрамантажныя работы ў частцы пракладкі і расключэння кабеля на ПС Nowe Czarnowo і Kozielice";

ТАА ТехноСерв АС (РФ) па аб'екце «Рэканструкцыя турбін станцыйнай №3 і станцыйнай №4 з ужываннем сучасных парагазавых тэхналогій Магілёўскай цеплаэлектрацэнтралі №1 па вул. Чалюскінцаў, 105А. 1-я чарга будаўніцтва»;

СВС Проджект Менеджмент Лтд (Вялікабрытанія) па аб'екце «Будаўнічы праект рэканструкцыі ААТ Жабінкаўскі цукровы завод з давядзеннем магутнасці да 10 тыс. тон перапрацоўкі цукровых буракоў у суткі. Комплекс 1».

Увесь калектыў ААТ "Белэлектрамантажналадка" віншуе Сяргея Мікалаевіча Аляхновіча з перамогай у конкурсе.

«Чалавек справы - 2016» у намінацыі «За стабільную і эфектыўную працу на беларускім і замежным рынках».