Навіны

Міністэрства энергетыкі сумесна з зацікаўленымі з 11 па 14 кастрычніка 2016 года праводзяць у г. Мінску (пр. Пераможцаў, 20/2, Футбольны манеж) XXI Беларускі энергетычны і экалагічны форум, які ўключае XXI Міжнародную спецыялізаваную выставу «Энергетыка. Экалогія. Энергазберажэнне. Электра» (EnergyExpo), XI Спецыялізаваную выставу «Водныя і паветраныя тэхналогіі» (Water&Air Technologies), XII Спецыялізаваную выставу святлотэхнічнага абсталявання «ЭкспаСвет» (ExpoLight), VIII Міжнародную спецыялізаваную выставу і канферэнцыю «Атамэкспа-Беларусь», II Міжнародную Экспогарад і XXI Беларускі энергетычны і экалагічны кангрэс.
  Мэта правядзення форуму - агляд сучасных дасягненняў навукі, тэхнікі і тэхналогій у сферы энергетыкі, энергазберажэння, аўтаматызацыі, электронікі, аховы навакольнага асяроддзя, выкарыстання аднаўляльных крыніц энергіі. Штогод форум становіцца ўнікальным месцам сустрэч энергетыкаў і эколагаў Беларусі і замежжа, спрыяючы тым самым пашырэнню супрацоўніцтва, абмену перадавымі навуковымі распрацоўкамі і інавацыйнымі праектамі.
   Выстава EnergyExpo традыцыйна з 1995 года прыцягвае ўвагу вядучых беларускіх і сусветных вытворцаў абсталявання, тэхналогій і матэрыялаў для энергетыкі, экалогіі, энергазберажэння і электратэхнікі і з'яўляецца адной з найбуйнейшых па дадзенай тэматыцы ў краінах СНД і Балтыі.
Удзел у выставе EnergyExpo'2016 пацвердзілі ўжо 112 арганізацый з 8 краін свету.

Запрашаем наведаць наш стэнд № С-21 

Спасылка на першакрыніцу