Навіны
Прэзідэнт узнагародзіў 40 чалавек за ўклад у будаўніцтва БелАЭС
Кіраўнік дзяржавы Аляксандр Лукашэнка падпісаў указ і распараджэнне, у адпаведнасці з якімі 40 чалавек удастоены ордэнаў, медалёў і Падзякі Прэзідэнта Рэспублікі Беларусь за добрасумленную плённую працу, высокі прафесіяналізм, значны ўклад у рэалізацыю інвестыцыйнага праекта па будаўніцтве Беларускай атамнай электрастанцыі. Медалём "За працоўныя заслугі" ўзнагароджаны 20 чалавек. У іх ліку генеральны дырэктар ААТ "Белэлектрамантажналадка" Сяргей Мікалаевіч Аляхновіч.
У сваю чаргу кіраўніцтва ААТ "Белэлектрамантажналадка" ўзнагародзіла супрацоўнікаў прадпрыемства за добрасумленную плённую працу, высокі прафесіяналізм, значны ўклад,
унесены ў развіццё і ўдасканаленне Беларускай энергасістэмы і ў сувязі з уводам у эксплуатацыю пускавога комплексу другога энергаблока Беларускай АЭС.
Крыніца: Міністэрства энергетыкі Рэспублікі Беларусь
