У мэтах фарміравання ўмоў для развіцця ўстойлівай мабільнасці, накіраванай на скарачэнне шкодных выкідаў ад транспарту, а таксама акцэнтавання ўвагі на экалагічны складнік пры планаванні транспартнай палітыкі гарадоў, штогод з 16 па 22 верасня ва ўсім свеце праводзіцца кампанія "Еўрапейскі тыдзень мабільнасці". Сёлета кампанія праходзіць пад дэвізам: "Мультымадальнасць - выбірай і рухайся!". Актыўным удзельнікам кампаніі з'яўляецца Рэспубліка Беларусь. Так для ўдзелу ў Еўрапейскім тыдні мабільнасці - 2018 зарэгістравалася больш за 60 населеных пунктаў Беларусі.
Самым вядомым мерапрыемствам і кульмінацыяй Еўрапейскага тыдня мабільнасці з'яўляецца Дзень без аўтамабіля, які ладзіцца 22 верасня. Гэтая экалагічная акцыя мае добраахвотны характар і заклікана абмежаваць на адзін дзень - 22 верасня - выкарыстанне насельніцтвам аўтамашын для асабістых, вытворчых і службовых патрэб.
Мэта акцыя "Дзень без аўтамабіля" - прыцягненне ўвагі грамадскасці да праблем, звязаных з уплывам аўтамабільнага транспарту на якасць атмасфернага паветра і на здароўе чалавека, а таксама пытаннях экалагічнага складніка пры планаванні транспартнай палітыкі гарадоў.
Кіроўцам таксама рэкамендуецца:
- глушыць матор пры прыпынках;
- прадумаць, як можна пазбегнуць працяглага прагрэву рухавіка ў халодную пару года;
- паважаць правы пешаходаў, тармазіць перад "зебрай" і знакамі пешаходнага пераходу, не ігнараваць і не прыціскаць да бардзюра веласіпедыстаў;
- уладкоўваць «разгрузачныя дні» без аўтамабіля, загадзя спланаваўшы, як дабірацца да працы іншым спосабам.
Таксама 22 верасня ў Мінску з 14.00 да 21.00 будуць праходзіць розныя мерапрыемствы на вул. Леніна, наведаць якія змогуць усе ахвочыя!