19.04.2016

       Запрашаем наведаць VIII Міжнародную выставу і канферэнцыю "АТАМЭКСПА-БЕЛАРУСЬ 2016", якая пройдзе з 19 па 21 красавіка ў горадзе Мінску па адрасе: вул. Я.Купалы 27, выставачны павільён НВЦ "БелЭкспа".

      VIII Міжнародная выстаўка і канферэнцыя "АТАМЭКСПА-БЕЛАРУСЬ 2016" праводзіцца па ініцыятыве Міністэрства энергетыкі Беларусі пры падтрымцы Дзяржкарпарацыі "Расатам". Аператарам мерапрыемства з расійскага боку з'яўляецца кампанія "Атамэкспа".

   Асноўная мэта правядзення выставы і канферэнцыі «АТАМЭКСПА-БЕЛАРУСЬ 2016» - дэманстрацыя найноўшых тэхналогій праектавання, будаўніцтва, эксплуатацыі і забеспячэння бяспекі АЭС; забеспячэнне эфектыўных паставак абсталявання для збудавання Беларускай АЭС; садзейнічанне фарміраванню ў Рэспубліцы Беларусь сістэмы падрыхтоўкі кадраў для атамнай галіны.

   Дзелавая праграма Форума ўключае навукова-практычную канферэнцыю "Развіццё атамнай энергетыкі ў Рэспубліцы Беларусь" з правядзеннем пленарнага пасяджэння, секцыйных пасяджэнняў і круглых сталоў, прэзентацый кампаній-экспанентаў.

Асноўнымі тэмамі канферэнцыі стануць:

• «Збудаванне Беларускай АЭС. Будаўнічыя працы, пастаўкі абсталявання».
  
• "Развіццё атамнай інфраструктуры ў Рэспубліцы Беларусь".
• "Грамадская прымальнасць атамнай энергетыкі".

Асноўныя тэматычныя раздзелы выстаўкі:

• Праектаванне і будаўніцтва АЭС. Упраўленне праектам.
  
• Сістэмы кіравання і кантролю.
• Бяспечная эксплуатацыя АЭC.
• Атамнае машынабудаванне, прыборы і абсталяванне для збудавання АЭС.
• Матэрыялы і тэхналогіі для атамнай энергетыкі.
• Зварот з РАТ і АЯП.
• Сродкі радыяцыйнай аховы.
• Трубаправоды і арматура, электратэхнічнае і пад'ёмнае абсталяванне.